លោក Tanmay Chetan | ប្រធានក្រុមប្រឹក្សាភិបាល និង ប្រធានគណៈ​កម្មាធិការវាយតម្លៃការ តែងតាំង និងអភិបាលកិច្ច និង​ជាសមាជិក​នៃ​គណកម្មា​ធិការ​សវនកម្ម និងហិរញ្ញវត្ថុ

លោក Tanmay ជា​សហស្ថាបនិក​ និង​ជា​ដៃគូ​គ្រប់គ្រង​នៅ Agora Microfinance Partners LLP  ហើយ​បាន​កាន់តំណែង​ជាច្រើន​នៅក្នុង​វិស័យ​មីក្រូ​ហិរញ្ញ​វត្ថុ រយៈពេល ១៨ឆ្នាំ។ អស់​រយៈពេល​ជាច្រើន​ឆ្នាំ លោក​បានធ្វើការ​ក្នុង​វិស័យ​ប្រតិបត្តិការ (ប្រធាន​នា​   យក​ប្រតិបត្តិ អេ អឹម ខេ កម្ពុជា) ព្រមទាំង​លោក​មានតួនាទី​ក្នុង​ការផ្តល់​ចំណាត់ថ្នាក់​ឥណទាន​មីក្រូហិរញ្ញវត្ថុ និង​ការពិគ្រោះ​យោបល់​នៅក្នុង​បណ្តា​ប្រទេស​ជាច្រើន​ទៀត។

លោក​បានបញ្ចប់​ការសិក្សា​ថ្នាក់​បរិញ្ញាបត្រ​ជាន់ខ្ពស់​ផ្នែក​រដ្ឋបាល​សាធារណៈ​ពី​សាកលវិទ្យាល័យ Harvard Kennedy និង​បរិញ្ញាបត្រ​ជាន់ខ្ពស់​ពី​វិទ្យាស្ថាន​គ្រប់គ្រង​ធនធាន​   ព្រៃឈើ​នៃ​ប្រទេស​ឥណ្ឌា។

លោកJOHN CON-SING YUNG |  ប្រធានក្រុមប្រឹក្សាភិបាល និង ប្រធានគណៈ​កម្មាធិការ SPC សមសមាជិក AFC​ RNCG និង B.ALCO

បច្ចុប្បន្ន លោក ចន ខន-សុីង យុង ជាសមាជិកក្រុមប្រឹក្សាភិបាល អនុប្រធានប្រតិបត្តិ និងជាប្រធាននាយកប្រតិបត្តិព័ត៌មាវិទ្យា ដែលទទួលបន្ទុកផ្នែកបច្ចេកវិទ្យាព័ត៌មាន ការពង្រីកប្រតិបត្តិការក្រៅប្រទេស ពាណិជ្ជកម្មចិនដីគោក និងធនាគារសាជីវកម្មស៊ាងហៃចំនួនបី នៅ អេស ស៊ី អេស ប៊ី។ គាត់បានកាន់កាប់មុខតំណែងជាច្រើននៅក្នុងបុត្រសម្ព័ន្ធរបស់ អេស ស៊ី អេស ប៊ី និងក្រុមហ៊ុនផ្សេងៗទៀត។

លោក ចន បានចាប់ផ្តើមអាជីពការងាររបស់គាត់នៅក្នុងធនាគារ Chase Manhattan ក្នុងទីក្រុងហុងកុងក្នុងមុខតំណែងជាអ្នកហាត់ការផ្នែកគ្រប់គ្រង ហើយក៏បានបញ្ចប់វិញក្នុងមុខតំណែងជាអ្នកគ្រប់គ្រងក្នុងនាយកដ្ឋានគ្រប់គ្រងហានិភ័យឥណទាន។ បន្ទាប់មកគាត់ក៏បានចំណាយពេលវេលារបស់គាត់ដើម្បីចាប់ផ្តើមដំណើរការក្រុមហ៊ុន Shenzhen Concord ដែលជាក្រុមហ៊ុនវិនិយោគរួមគ្នារវាងក្រុមហ៊ុនហិរញ្ញវត្ថុកាណាដាខាងកើត និងរដ្ឋាភិបាលក្រុង Shenzhen។ ជាច្រើនឆ្នាំ លោកបានផ្តោតលើការកសាងអាជីវកម្មបច្ចេកវិទ្យាព័ត៌មាន និងទូរគមនាគមន៍នៅក្នុងតំបន់អាស៊ីប៉ាស៊ីហ្វិកមុនពេលចូលម្រើការងារជាមួយ អេស ស៊ី អេស ប៊ី។

លោក ចន បានបញ្ចប់ថ្នាក់បរិញ្ញាប័ត្រ និងថ្នាក់អនុបណ្ឌិតផ្នែកគ្រប់គ្រងអាជីវកម្ម នៅសាកលវិទ្យាល័យឈីកាហ្គោ
សហរដ្ឋអាមេរិក។

លោក គា បូរាណ | ក្រុមប្រឹក្សាភិបាល និងជាប្រធាននាយកប្រតិបត្តិ

លោក បូរាណ ត្រូវបានតែងតាំង​ជា​ប្រធាន​នាយក​ប្រតិបត្តិ អេ អឹម ខេ ក្នុង​ខែកក្កដា
ឆ្នាំ ២០១២ ។  លោក​បាន​ចូល​បម្រើការ​នៅ អេ អឹម ខេ អស់​រយៈពេល​ជិត១០ ឆ្នាំ​មកហើយ ចាប់តាំងពី​ឆ្នាំ ២០០៤ មក លោក​បាន​កាន់តំណែង​ថ្នាក់ដឹកនាំ​ជាច្រើន ដើម្បី​ចូលរួម​អភិ​វ​ឌ្ឈ​គ្រឹះស្ថានដូចជា ប្រធាន​ផ្នែក​ហិរញ្ញវត្ថុ នាយក​ប្រតិបត្តិ​ហិរញ្ញវត្ថុ (CFO) អនុប្រធាននាយក​ប្រតិបត្តិ ។ មុនពេល​ដែល​លោក​ចូលរួម ជាមួយ អេ អឹម ខេ លោក​បានធ្វើការ​ឲ្យ​គ្រឹះស្ថាន​មីក្រូហិរញ្ញវត្ថុ​មួយ​ផ្សេងទៀត​ក្នុងនាម​ជានា​យក​ហិរញ្ញវត្ថុ។

លោក បូរាណ បានបញ្ចប់ការសិក្សាថ្នាក់បរិញ្ញាបត្រគណនេយ្យ និងហិរញ្ញវត្ថុ ព្រមទាំង
ទទួលបាន ACCA ជាផ្លូវការ និងត្រូវបានគេទទួលយកជាសមាជិក ACCA ក្នុងឆ្នាំ
២០០៨ ផងដែរ។

លោកស្រី Heng Seida | ក្រុមប្រឹក្សាភិបាល និងអភិបាលកិច្ចនៃ AFC និងសមាជិកនៃ BRC

លោក ទិព្វ ច័ន្ទវិបុល | ក្រុមប្រឹក្សាភិបាល និងសមាជិកគណៈកម្មាធិការ ការវាយតម្លៃ
ការតែងតាំង និងអភិបាលកិច្ច

លោក​បណ្ឌិត ច័ន្ទ​វិបុល គឺជា​ដៃគូ​គ្រប់គ្រង​នៅឯ​ក្រុមហ៊ុន Tip & Partners Law Firm
ក្នុងប្រទេស​កម្ពុជា និង​ជា​សមាជិក​នៃ​សមាគម​មេធាវី​កម្ពុជា។ លោក​ត្រូវបាន​ជ្រើសរើស​
ជា​សមាជិក​ក្រុមប្រឹក្សា​ភិបាល នៃ សមាគម​មេធាវី​កម្ពុជា​ពី​ឆ្នាំ ១៩៩៩ ដល់ ២០០២ និង​ត្រូវ បាន​ជ្រើសរើស​ម្តងទៀត ក្នុង​ឆ្នាំ ២០១០ ដល់ ២០១២ ។ លោក​បានធ្វើ​សកម្មភាព​ទាំង​នៅក្នុង​ប្រតិបត្តិការ​ខ្នាតតូច និង​ខ្នាត​ធំ ទាំង​ឯកត្ត​ជន និងក្រុមហ៊ុន។

លោក​បណ្ឌិត ទិព្វ ច័ន្ទ​វិបុល បាន​បម្រើ​ការងារជាទី​ប្រឹក្សា​ផ្នែក​ច្បាប់ឲ្យ​វិទ្យាស្ថាន​ជាតិ និង​អន្តរ​ជាតិ​ជាច្រើន រាប់បញ្ចូល​ទាំង​អង្គការសហប្រជាជាតិ (the United Nations)​ ធនាគារ​ពិភព​លោក (The World Bank) និង​ធនាគារ​អភិ​វ​ឌ្ឈ​ន៍​អាស៊ី (the Asian Development Bank) និង​ក្រុមហ៊ុនសំខាន់ៗដទៃទៀតក្នុងប្រទេស​កម្ពុជា។

លោក​បណ្ឌិត គឺជា​សមាជិក​សកម្ម​ម្នាក់ ទាំង​វិស័យ​ច្បាប់ និង​សហគមន៍​អាជីវកម្មក្នុងប្រទេស​​​កម្ពុជា ។

លោក  RU-HUNG WEI | ក្រុមប្រឹក្សាភិបាល និងសមាជិកគណៈកម្មាធិការ B.ALCO

បច្ចុប្បន្នលោក រូ-ហ៊ុង វ៉េ កំពុងបម្រើការក្នុងមុខតំណែងដូចជា៖ អនុប្រធានប្រតិបត្តិជាន់ខ្ពស់ អ្នកគ្រប់គ្រងប្រចាំតំបន់ និងអ្នកគ្រប់គ្រងទូទៅនៅធនាគារស៊ាងហៃពាណិជ្ជ និងសន្សំហៅកាត់ថា អេស ស៊ី អេស ប៊ី សាខា ទីក្រុងហុងកុង។  គាត់ទទួលបន្ទុកកាន់សាខាជាច្រើនរួមមាន សិង្ហបូរី វៀតណាម និងហុងកុង។ គាត់បានបម្រើការងារជាមួយធនាគារស៊ាងហៃពាណិជ្ជ និងសន្សំជាង២៧ឆ្នាំមកហើយជាមួយនឹងមុខតំណែងជាច្រើនដូចជា នាំចូល-នាំចេញ ការប្តូររូបិយប័ណ្ណបរទេស និងការវិភាគឥណទាន។

លោក វ៉េ បានបញ្ចប់ថ្នាក់បរិញ្ញាប័ត្រផ្នែកគ្រប់គ្រងអាជីវកម្មនៅសាកលវិទ្យាល័យស៊ូសូវ និងថ្នាក់អនុបណ្ឌិតផ្នែកគ្រប់គ្រងអាជីវកម្មនៅសាកលវិទ្យាល័យ ញូវ ហាវិន។

លោក CHIN-KANG LIU | ក្រុមប្រឹក្សាភិបាល និង ប្រធានគណៈ​កម្មាធិការ BRC

បច្ចុប្បន្ន លោក ឈិន-កាង លាវ កំពុងបម្រើការងារប្រធាននាយកប្រតិបត្តិគ្រប់គ្រងហានិភ័យ និងជាអគ្គនាយករងនៅធនាគារស៊ាងហៃពាណិជ្ជ និងសន្សំ ហៅកាត់ថា (អេស ស៊ី អេស ប៊ី) ហើយគាត់ទទួលខុសត្រូវលើតួនាទីជាច្រើនដូចជា FATCA និង CRS, ​Basel III និងការគ្រប់គ្រងហានិភ័យ រួមមាន ឥណទាន ទីផ្សារប្រតិ បត្តិការ ការគ្រប់គ្រងសាច់ប្រាក់ និងហិរញ្ញវត្ថុ។ លោកបានធ្វើការក្នុងនាយកដ្ឋានជាច្រើនដូចជា៖ នាយកដ្ឋានទំនាក់ទំនងអន្តរជាតិ នាយកដ្ឋានសវនកម្ម នាយកដ្ឋានរតនាគារ នៅការិយាល័យកណ្តាល អេស ស៊ី អេស ប៊ី។

លោក លាវ បានបញ្ចប់ថ្នាក់បិរញ្ញាប័ត្រផ្នែកសេដ្ឋកិច្ចពីសាកលវិទ្យាល័យជាតិតៃវ៉ាន់។

លោក វេ គូ យិន

លោក វេ គូ យិន ត្រូវបានតែងតាំងជាប្រធានក្រុមប្រឹក្សាភិបាលគណៈកម្មាធិការទ្រព្យសកម្ម និងបំណុល និងជាសមាជិកគណៈកម្មាធិការសវនកម្ម និងហិរញ្ញវត្ថុនៅគ្រឹះស្ថានមីក្រូហិរញ្ញវត្ថុ អេ អឹម ខេ ក្នុងខែសីហាឆ្នាំ២០១៩។ លោក យិន បានបញ្ចប់ថ្នាក់បរិញ្ញាប័ត្រផ្នែកសេដ្ឋកិច្ចពីសាកលវិទ្យាល័យកាត់តូលិកហ៊្វូជិននៅឆ្នាំ១៩៨៤ និងបានបន្តថ្នាក់អនុបណ្ឌិតផ្នែកវិទ្យាសាស្រ្តអាជីវកម្មនៅសាកលវិទ្យាល័យ Wisconsin-Madison សហរដ្ឋអាមេរិក តាំងពី ២-៣ឆ្នាំដំបូងដែលគាត់បានចាប់ផ្តើមអាជីពការងារក្នុងវិស័យធនាគារ។

លោក វេ គូ យិន បានចាប់ផ្តើមអាជីពការងារជាមួយធនាគារសៀងហៃ ខមមែសល & សេវវីង (SCSB) ក្នុងតួនាទីជាអនុប្រធាននាយកប្រតិបត្តិ និងនាយកប្រតិបត្តិរងរតនាភិបាលទទួលបន្ទុកផ្នែក មូលនិធិ ពាណិជ្ជកម្ម វិនិយោគមូលប័ត្រកម្មសិទ្ធ និង រតនាគារ។ ក្រោយមកទៀតគាត់ត្រូវបានប្តូរមកដឹកនាំ នាយកដ្ឋានទ្រព្យសកម្ម និងមូលនិធិក្នុងមុខដំណែងជាអនុប្រធាននាយកប្រតិបត្តិ និងនាយកប្រតិបត្តិរងទ្រព្យសកម្ម ដែលគ្រប់គ្រង និងត្រួតពិនិត្យលើការងារទ្រព្យសកម្ម និងមូលនិធិទាំងមូលរបស់ធនាគារ SCSB។

បច្ចុប្បន្នលោកបានកាន់តំណែងជាអនុប្រធានប្រតិបត្តិទី១នៃធនាគារ SCSB ដែលស្ថិតនៅការិយាល័យណ្តាលក្នុងទីក្រុងតៃបុិក​ នៃកោះតៃវ៉ាន់ គាត់ទទួលបន្ទុកខាងផ្នែកដោះស្រាយបញ្ហាផែនការយុទ្ធសាស្រ្ត និងត្រួតពិនិត្យក្រុមហ៊ុនបុត្រសម្ព័ន្ធនៅក្រៅប្រទេស។ គាត់មានបទពិសោធន៍ជាង៣០ឆ្នាំលើវិស័យហិរញ្ញវត្ថុ និងធនាគារ។

កញ្ញា Blandine Claudia Maire Pons | សមាជិក​ នៃ SPC

កញ្ញា Dina ជានាយិកាប្រចាំតំបន់អាស៊ីបូព៌ារបស់ Incofin និង ជាប្រធានការងារសង្គម ដែលមានមូលដ្ឋាននៅរាជធានីភ្នំពេញ។ កញ្ញា គឺជាសមាជិកក្រុមប្រឹក្សាភិបាលនៃការងារពិសេសការងារសង្គម (SPTF)។ កញ្ញា Dina មានភារកិច្ចទទួលបន្ទុកលើសកម្មភាពបំណុលទាំងអស់នៅក្នុងប្រទេសកម្ពុជា ចិន ឥណ្ឌូណេស៊ី
ម៉ុងហ្គោលី និងហ្វីលីពីន  ដោយគ្រប់គ្រងផលប័ត្រចំនួន៦០ លានដុល្លារអាមេរិកនៅក្នុងគ្រឹះស្ថានមីក្រូហិរញ្ញវត្ថុចំនួន១៨។ មុនពេលដែលកញ្ញា ចូលរួមជាមួយ Incofin។

កញ្ញា គឺជាអ្នកវិភាគជាន់ខ្ពស់ប្រចាំតំបន់អាស៊ីអាគ្នេយ៍នៅឯទីភ្នាក់ងារផ្តល់ចំណាត់ថ្នាក់ឯកទេសមីក្រូហិរញ្ញវត្ថុ Planet Rating ។

មុនពេលបម្រើការជាអ្នកវិភាគជាន់ខ្ពស់ កញ្ញាបានបម្រើការងារនៅក្នុងវិស័យមីក្រូហិរញ្ញវត្ថុជាអ្នកពិគ្រោះយោបល់ ផ្នែកប្រតិបត្ដិការនៅ PlaNet Finance ដែលជា សម្ព័ន្ធភាពរបស់ក្រុមហ៊ុន MicroCred នៅប្រទេសចិន ។

កញ្ញា គឺជាផ្នែកមួយនៃក្រុមស្ថាបនិក ដែលបានបង្កើតក្រុមហ៊ុន MicroCred Nanchong នៅក្នុងស្រុកស៊ីឈួន ។ កញ្ញា ក៏បានដឹកនាំគម្រោងកសាងសមត្ថភាពសម្រាប់ស្ថាប័នមីក្រូហិរញ្ញវត្ថុនៅតំបន់ជនបទរបស់ចិនជាច្រើនផងដែរ។ កញ្ញា អាចនិយាយភាសាបារាំង អង់គ្លេស និង អេស្ប៉ាញ បានយ៉ាងស្ទាត់ជំនាញ  ហើយក៏យល់
ដឹងពីភាសាចិនកុកងឺបានយ៉ាងល្អផងដែរ។

កញ្ញា បានបញ្ចប់ការសិក្សាថ្នាក់បរិញ្ញាបត្រជាន់ខ្ពស់ពី Sciences Po Paris និង the London School of Economics (LSE) នៅក្នុងការសិក្សាពីការអភិវឌ្ឍន៍ និងទំនាក់ទំនងអន្តរជាតិ។