អេ អឹម ខេ គឺ ជាគ្រឹះស្ថានដែលមានភាពប្រាកដច្បាស់លាស់​ ហើយដែល
មានមោទនភាពជាមួយនិងសមិទ្ធិផលរបស់ខ្លួននិងការកែប្រែថ្មី។ គ្រឹះស្ថាន អេ អឹម ខេ ឈរខ្ពស់ត្រដែតលើគួប្រកួតប្រជែងរបស់ខ្លួនដោយហេតុផល
ដូចខាងក្រោម៖

• ផលិតផលកម្ចីជាក្រុម និងឯកត្តជន ជាច្រើនប្រភេទ។
• វិធីសាស្រ្តក្នុងការផ្តល់សេវាហិរញ្ញវត្ថុនៅជិតលោកអ្នកបំផុតៈ ការផ្តល់ប្រាក់​កម្ចី និងការប្រមូលនៅតាមនៅផ្ទះរបស់អតិថិជន។
• មិនតម្រូវអោយមានទ្រព្យបញ្ជាំ សម្រាប់កម្ចីជាក្រុម។
• ក្រមកិច្ចអនុវត្តន៍ក្នុងកិច្ចការពារអតិថិជនយ៉ាងតឹងរឹងៈ "ជួយដល់ប្រជាពលរដ្ឋក្រីក្រភាគច្រើន ក្នុងគោលបំណងជួយធ្វើ​អោយ​ប្រសើរឡើងនូវជីវភាពរស់នៅរបស់ពួកគេ​តាមរយៈការផ្តល់សេវាហិរវត្ថុ សមស្រប និងឋិតថេរ។"
  
•  ការប្ដេជ្ញាសម្រេចអោយបាននូវបេសកកម្មរបស់ខ្លួនៈ "ជួយ​ដល់​ប្រជា​ពលរដ្ឋក្រីក្រភាគច្រើនក្នុងគោលបំណងជួយធ្វើអោយប្រសើរ​ឡើងនូវ​កម្រិតជីវភាពរស់នៅរបស់ពួកគេ តាម​រយៈ​​​​ការផ្ដល់សេវាមីក្រូ​ហិរញ្ញវត្ថុសមស្របនិងឋិតថេរ"​​។
• ការឆ្ពោះទៅរកការងារសង្គមៈ​​ បច្ចុប្បន្ននេះ គ្រឹះស្ថាន​ អេ អឹម​ ខេ បាននឹងកំពុងបម្រើអតិថិជនជាង៣១ម៉ឺន នាក់ប្រមាណជា១០,២៨៩​ភូមិ​ ក្នុង​ចំណោម ១៤,០០០​ភូមិនៅទូទាំង​ប្រទេស។
• ជាប់ចំណាត់ថ្នាក់លេខ១នៅកម្ពុជា និងជាប់ចំណាត់ថ្នាក់ទី១៦​នៅទូទាំងពិភព​លោក ក្នុងចំណោមគ្រឹះស្ថានមីក្រូហិរញ្ញវត្ថុទាំង​១០០ ជាដែល​ផ្ដល់ដោយ  Mix Global​ និង​ជាគ្រឹះស្ថានមីក្រូហិរញ្ញវត្ថុ​តែ​មួយគត់ដែលជាប់ចំ​ណាត់ថ្នាក់កំពូលទី២០រយៈពេល៤ឆ្នាំជាប់ៗ​គ្នា។
  
• ទំរង់អាជីវកម្មដែលមាននិរន្តរភាពៈ ទទួលបានប្រាក់ចំណេញចាប់​តាំងពីឆ្នាំ២០០៥។
• ទទួលបានអាជ្ញាប័ណ្ណក្នុងការកែនប្រមូលប្រាក់សន្សំពីសាធារណជន ដែល​បាន​ផ្តល់ដោយធនាគារជាតិនៃកម្ពុជាដើមឆ្នាំ២០១០។

ផលិតផលកម្ចីៈ

គ្រឹះស្ថាន អេ អឹម​ ខេ ផ្ដល់ជូនអតិថិជននូវផលិតផលកម្ចីជាក្រុម​និងឯកត្ត ជន​ ចំនួន​៨ប្រភេទៈ

កម្ចីជាក្រុមៈ
    ១. កម្ចីសងដើម​ចុងវគ្គ - ធនាគារភូមិ
    ២. កម្ចីសងដើមរំលោះថេរ - ធនាគារភូមិ
    ៣. កម្ចីបណ្ដាក់​ - ធនាគារភូមិ
    ៤. កម្ចីងាយស្រួល - ធនាគារភូមិ

កម្ចីឯកត្តជនៈ
    ៥. កម្ចីអាជីវកម្ម
    ៦. កម្ចីកសិកម្ម
    ៧. កម្ចីងាយស្រួល

សម្រាប់អតិថិជនជាក្រុម និង​ ឯកត្តជន
​​​    ៨. កម្ចីសង្រ្គោះបន្ទាន់

ផលិតផលប្រាក់សន្សំៈ

គ្រឹះស្ថាន អេ​ អឹម ខេ ក៏បានផ្ដល់ជូននូវសេវាប្រាក់សន្សំចំនួនបួនប្រភេទ​ផ្សេងគ្នា​ផងដែរ សម្រាប់អោយសាធារណជនសន្សំប្រាក់របស់ពួកគេប្រកប​ដោយ​​សុវត្ថិភាព ស្ថិរភាព និង​ ទំនូលខុសត្រូវខ្ពស់ៈ
     
    ១. គណនីសន្សំងាយស្រួល
    ២.​ គណនីសន្សំស្ថាប័ន
    ៣. គណនីសន្សំមានកាលកំណត់ (ដកប្រាក់នៅចុងវគ្គ)
    ៤. គណនីសន្សំមានកាលកំណត់ (ដកប្រាក់ប្រចាំខែ)
    ៥.​ គណនីសន្សំមានកាលកំណត់ស្ថានប័ន (ដកប្រាក់ចុងវគ្គ)
    ៦. គណនីអនាគត

សេវាផ្ទេរប្រាក់តាមសាខា/អនុសាខា

មានផ្តល់ជូនសេវាផ្ទេរប្រាក់ពីរប្រភេទៈ

នាយកដ្ឋានស្រាវជ្រាវ​បានជួយសម្រួលអោយយើងយល់ច្បាស់ពីតម្រូវការ និងការចង់បានរបស់អតិថិជន​ និងការផ្លាស់ប្ដូរលក្ខខណ្ឌទីផ្សារ។​ ​ការយល់​ដឹងពីតម្រូវការអតិថិជននៅក្នុងបរិបទមីក្រូហិរញ្ញវត្ថុកម្ពុជា​ ជួយយើង​​​ក្នុង​ការកំណត់យុទ្ធសាស្រ្តសម្រាប់ជំរុញផលិតផលរបស់យើងជាអាទិភាព។

អតិថិជនរបស់គ្រឹះស្ថាន អេ អឹម ខេ​ មានលក្ខណៈពិសេសដូចខាងក្រោមៈ

• អតិថិជនភាគច្រើនជាស្រ្តី
• អតិថិជន ២/៣ ចេះអក្សរ។ អតិថិជនជាងពាក់កណ្តាលបានចូល​រៀន​នៅបឋមសិក្សា, ១៤%​បញ្ជាប់អនុវិទ្យាល័យ និង២%រៀននៅ​ថ្នាក់​ឧត្តមសិក្សា។
•  ចំនួនគ្រួសារជាមធ្យម គឺចំនួនមនុស្ស៥.២នាក់នៅក្នុង១គ្រួសារ។ នៅក្នុងនោះមានចំនួនយមនុស្ស២.៨នាក់ជាមនុស្សពេញវ័យ និង​២.៤ នាក់ជាកុមារ។
• ចំនួនអតិថិជន៩៩% មានប្រកបរបរកសិកម្ម យ៉ាងហោចណាស់១ និង ៩៥% មិនប្រកបរបរកសិកម្ម។ លើសពីនេះទៀត យ៉ាងហោច​ណាស់៥៥% ចំណូលបានមកពីការប្រកបរបរេផ្សងៗ។
• ចំណីអាហារ សុខភាព ការមិនវិនិយោគលើផ្នែកកសិកម្ម ព្រមទាំង​ការ​ទិញរបស់របរផ្សេងៗទៀត សម្រាប់ការដាំដុះ គឺជាចំណាយដ៏​សម្បើមរបស់គ្រួសារនៅតាមជនបទ។
• អតិថិជន៦២%មានផ្ទះជាអចិន្រ្តៃ។​ ៧០%នៅពុំទាន់មានបង្គន់​អនាម័យ។
• ដើម្បីដោះស្រាយវិបត្តិសេដ្ឋកិច្ចនៅតាមក្រុមគ្រួសារអតិថិជន អេ អឹម ខេ ភាគច្រើន ចំណាយចំពោះការសន្សំរបស់ពួកគេ (២០%) ឬ ខ្ចី​ប្រាក់/មាស ឬ ចំណីអាហារពីប្រភពផេ្សងៗ​ (២០%) រួមទាំងខ្ចីប្រាក់ពី អេ អឹម ខេ។

ច្បាប់ស្ដីពី "គ្រឹះស្ថានធនាគារ និងហិរញ្ញវត្ថុ" ត្រូវបានអនុម័តនៅក្នុងខែវិចិ្ឆកា ឆ្នាំ​ ១៩៩៩ ហើយអនុក្រិត(ប្រកាស)​ការទទួលស្គាល់ការអនិវត្តន៍របស់គ្រឹះ
ស្ថានធនាគារបីប្រភេទនៅព្រះរាជាណាចក្រកម្ពុជា​ត្រូវបានអនុម័តដើមឆ្នាំ ២០០០ ។

    ១. ធនាគារពាណិជ្ជៈ​ អាចប្រតិបត្តិនូវរាល់សេវាធនាគារ។
    ២. ធនាគារឯកទេសៈ អាចប្រតិបត្តិសកម្មភាពធនាគារដែលមានដែន
       កំណត់ទៅតាមអាជ្ញាប័ណ្ណដែលខ្លួនទទួលបាន​ ។
    ៣​. គ្រឹះស្ថានមីក្រូហិរញ្ញវត្ថុៈ អាចប្រតិបត្តិតែលើតែលើប្រតិបត្តិការ
       ឥណទាន។

នៅចុងឆ្នាំ ២០០៩ មានធនាគារសរុបចំនួន៣៣​ រួមទាំងតំណាងការិយាល័យ ធនាគារបរទេសចំនួន៣ទៀតសម្រាប់អង្កេតជំនួញរបស់គេនៅក្នុងប្រទេស
កម្ពុជា​។​ គ្រឹះស្ថានមីក្រូហិរញ្ញវត្ថុ ដែលទទួលបានអាជ្ញាប័ណ្ណចំនួន​ ២០​និង ប្រតិបត្តិករឥណទានជនបទចំនួន២៦ បាននឹងកំពុងផ្ដល់សេវាមីក្រូហិរញ្ញវត្ថុ ទៅកាន់សហគមន៍ក្រីក្រនៅតាមទីជនបទ​ និងទីប្រជុំជនជាយក្រុងរាជធានី ខេត្ត​។​ ការកើនឡើងនូវចំនួនគ្រឹះស្ថានធនាគារ ព្រមទាំងការធ្វើទំនើបកម្មនៃ ផលិតផល និងសេវាកម្មបានឆ្ពោះទៅរកការកំណើនជាមធ្យម ក៏ដូចជាទំនុក ចិត្តទៅលើវិស័យធនាគារផងដែរ។

នៅខែធ្នូ ឆ្នាំ២០០៧ ធនាគារជាតិនៃកម្ពុជាបានចេញប្រកាសមួយផ្សេងទៀត ដែលផ្ដល់លទ្ធភាពដល់គ្រឹះស្ថានមីក្រូហិរញ្ញវត្ថុក្នុងការដាក់ពាក្យស្នើសុំអាជ្ញា ប័ណ្ណកៀរគរប្រាក់សន្សំពីសាធារណជន។​ អេ អឹម ខេ​ គឺ ជាគ្រឹះស្ថាន មីក្រូហិរញ្ញវត្ថុមួយក្នុងចំណោមគ្រឹះស្ថានមីក្រូហិរញ្ញវត្ថុចំនួនបួនដែលទទួល បានអាជ្ញាប័ណ្ណទទួលប្រាក់សន្សំពីធនាគារជាតិនៃកម្ពុជា៕

អេ អឹម ខេ គឺជាគ្រឹះស្ថានមីក្រូហិរញ្ញវត្ថុដែលឈានមុខគេក្នុងចំណោមគ្រឹះ ស្ថាន​មីក្រូ​ហិរញ្ញវត្ថុដែលឈានមុខគេនៅព្រះរាជាណាចក្រកម្ពុជាហើយមាន វិសាល​ភាព​ប្រតិបត្តិការនៅទូទាំង២៤ ខេត្ត រាជធានីសំខាន់ៗទាំងអស់។

ជារួមគ្រឹះស្ថាន អេ អឹម ខេ​ មាននៅក្នុងស្រុកចំនួន១៨៣ ឃុំចំនួន១,៤៨៨ ភូមិ​ចំនួន១០,០៥៨។ គិតមកត្រឹមថ្ងៃទី៣០ ខែវិច្ឆិកា ឆ្នាំ២០១២ គ្រឹះស្ថាន អេ អឹម ខេ មាន២៤រិយាល័យសាខា និងការិយាល័យអនុសាខាចំនួន៨៨ នៅ​ទូ​ទាំង​ប្រទេស។ គ្រឹះស្ថាន អេ អឹម ខេ មានបុគ្គ​លិកចំនួន១,១៥១នាក់ កំពុង​បម្រើ​​អតិថិជនជាង៣១ម៉ឺននាក់ នៅទូទាំងប្រទេសកម្ពុជា  ជាមួយនឹងផល​ប័ត្រ​​ប្រាក់កម្ចីជាង៦២លាន​ដុល្លារអាមេរិក។

• សង្ខេបសម្ធិផលសំខាន់ៗរបស់គ្រឹះស្ថាន អេ អឹម ខេ
• ឯកសារ
• ការបោះពុម្ពផ្សាយ

សូមពិនិត្យមើលព័ត៌មាន​ និង ព្រឹត្តិការណ៍ថ្មីៗនៅខាងស្តាំដៃនៃគេហទំព័រ

• អេ អឹម​ ខេ​​ ទទួលបានបណ្ណសរសើរប្រភេទ Platinum ស្តីពីរបាយការណ៍ដែលមានតម្លាភាពខាងផ្នែកការងារសង្គម និងការគ្រប់គ្រង (Social performance Management and monitoring) ពី​ MIX។
  

គ្រឹះស្ថាន អេ អឹម ខេ បាន​សហការជាមួយសា្ថប័នជាតិ និង​ អន្តរជាតិមួយ ចំនួនដើម្បីសម្រេចអោយបាននូវបេសកកម្ម ក្នុងការ​ជួយដល់ប្រជាពលរដ្ឋ ក្រីក្រភាគច្រើន ក្នុងគោលបំណងជួយធ្វើអោយប្រសើរឡើងនូវជីវភាពរបស់​ពួកគេ តាមរយៈការផ្តល់សេវា​មីក្រូហិរញ្ញវត្ថុសមស្រប និង​ ឋិតឋេរ។

គ្រឹះស្ថាន អេ អឹម ខេ មាន​មោទនភាពចំពោះការសហការជាមួយដៃគូដូច ខាងក្រោមនេះ៖

• សាជីវកម្មហិរញ្ញវត្ថុ អន្តរជាតិ​ (IFC)
  
• បណ្តាញមីក្រូហិរញ្ញវត្ថុ (MFN)
• សមាគមមីក្រូហិរញ្ញវត្ថុកម្ពុជា (CMA)