ក្រុមគ្រួសាររបស់អតិថិជន គ្រឹះស្ថាន អេ អឹម ខេ ទទួលបានប្រាក់ចំណូលពីវិស័យកសិកម្ម សកម្មភាពមិនមែន កសិកម្ម និង ប្រភពចំណូលផ្សេងៗទៀត។


សកម្មភាពកសិកម្ម​​៖ សំដៅលើសកម្មភាពដែលទាក់ទងនឹងការដាំដំណាំ ការចិញ្ចឹមសត្វ និង ធនធានដែលជា អចលនទ្រព្យទូទៅ (CPR)។
សកម្មភាពមិនមែនកសិកម្ម៖ រួមមានប្រាក់ចំណូលពីការងារជាធម្មតា ប្រាក់បៀរវត្ស សម្រាប់ការបម្រើការងារ ផលិតកម្ម និង សេវាកម្មនានា។
ប្រភពចំណូលដទៃទៀត មាន​ដូចជា ការផ្ទេរប្រាក់ (ក្នុងស្រុក និង ក្រៅស្រុក) ការលក់ ការជួល និង ចំណូលបាន មកពីកម្ចី។

    គ្រួសារស្ទើរតែទាំងអស់នៅជនបទក្នុងប្រទេសកម្ពុជា ប្រកបរបរកសិកម្មយ៉ាងតិចបំផុតក៏មួយផ្នែកដែរ។
៩៥%ធ្វើសកម្មភាពមិនមែនកសិកម្ម (សូមមើលគំនូស១ខាងក្រោម) ហើយ ៥៥%ទៀតទទួលបានពីប្រភពចំណូល ផ្សេងទៀត (មិនរួមបញ្ចូលការទទួលប្រាក់កម្ចីទេ)។

គំនូសតាង១៖ ប្រភពចំបងនៃចំណូល (% នៃគ្រួសារដែលមានការចាត់ថ្នាក់ ទី១​ ទី២ ឬ ទី៣)

គំនូសតាង១ បង្ហាញពីសកម្មភាពក្រៅកសិកម្ម ដែលជាប្រភពចំណូលដ៏សំខាន់ មានចំនួន៨៧%ក្នុងចំណោម គ្រួសារទាំងអស់នៅជនបទ។ បន្ទាប់ពីនេះ គឺសកម្ម ភាពកសិកម្ម ៦៦% និង សកម្មភាពចំណូលផ្សេងទៀត ៥៩%។















គំនូសតាង២៖ ប្រភពចំបងនៃចំណូល (% នៃគ្រួសារស្ថិតនៅលំដាប់ ទី១)

គំនូសតាង២ ផ្តល់ព័ត៌មានពីសកម្មភាព តែមួយគត់ ដែល ធ្វើអោយភាគរយ ចំណូលរបស់ គ្រួសារកើនឡើងខ្ពស់។ គ្រួសារចំនួន ៦៣%ត្រូវបានចាត់ថ្នាក់ នៅលំដាប់ទី១ ជាអ្នកដែលស្វែងរកប្រាក់ចំណូលតាមរយៈសកម្មភាពក្រៅ កសិកម្ម និង ៣២%សម្រាប់ការធ្វើកសិកម្ម។ ចំណែកគ្រួសារតែ ៦%តែ ប៉ុណ្ណោះ បានចាត់ទុកចំណូលផ្សេងៗជាប្រភពចំណូលចំបង។

ការចំណាយលើចំណីអាហារនៅតែជាកត្តាដ៏សំខាន់នៅក្នុងគ្រួសារ ក្នុងនោះ ៩៧%នៃការចំណាយលើអាហារគឺជា ផ្នែកមួយក្នុងចំណោមការចំណាយធំៗ (ចំណុចនៃគំនូសតាងខាងក្រោមបង្អស់)។ ជាងពាក់កណ្តាលនៃអ្នកដែល ត្រូវបានសម្ភាសន៍បាននិយាយថា ការចំណាយលើអាហារគឺជាការចំណាយដ៏ចំបងរបស់ពួកគេ (ចំណុចនៃគំនូស តាងខាងលើ)។

    ទោះបីជាមាន ៣៣%នៃគ្រួសារបានចំណាយលើពិធីបុណ្យ ក៏មានប្រហែលជា ២%ដែលចាត់ទុកថានេះគឺជា ចំណាយធំក្នុងគ្រួសារ។

គំនូសតាង៖ ការចាត់ថ្នាក់ប្រភពនៃការចំណាយក្នុងគ្រួសារ (%នៃគ្រួសារអតិថិជននៅក្នុងគំរូ)

ចំណូល និង ចំណាយរបស់គ្រួសារនៅជនបទមានការប្រែប្រួលទៅតាមរដូវកាល។

ប្រាក់ចំណូលក្នុងគ្រួសារ សំដៅលើចំណូលជាសាច់ប្រាក់ ដែលបានមក​ពីសកម្មភាពផ្តល់ជាចំណូលដែល​គ្រួសារនីមួយៗទទួលបានក្នុងរយៈពេល ១២ខែចុងក្រោយ ចំណែកឯ ចលនាសាច់ប្រាក់ចេញរបស់គ្រួសារ គឺ​ជាការចំណាយរបស់គ្រួសារក្នុងអំឡុងពេល ១២ខែចុងក្រោយ។ គំនូសតាងខាងក្រោម បានបង្ហាញពីលក្ខណៈ​ដែលគួរ អោយកត់សម្គាល់មួយចំនួនទាក់ទងនឹងលំហូរសាច់ប្រាក់ចេញ និង ចូល​តាមរដូវកាល។

គំនូសតាង១: ២០០៩ គំរូនៃចំណូល ចំពោះសកម្មភាពចំណូលសំខាន់ៗ (កំណត់ដោយភាពចាំបាច់នៃ​ចំណូល)

គំនូសតាង២: ២០០៩ គំរូនៃចំណាយ ចំពោះសកម្មភាពចំណូលសំខាន់ៗ (កំណត់ដោយភាពចាំបាច់នៃ​ចំណាយ)

គំនូស១ខាងក្រោមនេះ បង្ហាញពីការប្រៀបធៀបទិន្នន័យឆ្នាំមុន ដោយអតិថិជន គ្រឹះស្ថាន អេ អឹម ខេ ៤៤%បាន​គិតថាស្ថានភាពសេដ្ឋកិច្ចរបស់ពូកគេស្ថិតនៅដដែល។៣៤%បានរាយការណ៍ថា មានភាពប្រសើរជាងមុន ផ្ទុយទៅ វិញគ្រួសារ ១៨%ទៀតបានគិតថាស្ថានភាពកាន់តែអាក្រក់ឡើង។ ចំណែកគ្រួសារដែលរាយការណ៍ថាស្ថានភាព សេដ្ឋកិច្ច / ប្រាក់ចំណូលរបស់ពួកគេបានធ្លាក់ចុះមានចំនួន ២% ហើយ ៣%ទៀតនិយាយថាវាបានកើនឡើង យ៉ាងខ្លាំង។

គំនូស២ បានបង្ហាញពីការរកឃើញ នូវកត្តាចំបង ដែលបណ្តាលអោយមានការធ្លាក់ចុះ នៃស្ថានភាពសេដ្ឋកិច្ច។ មូលហេតុទាំងនោះមានដូចជា ជំងឺក្នុងគ្រួសារ (៣៨%) រដូវកាលសម្រាប់កសិកម្មមិនអំណោយផល (២២%) ​និង គ្រោះធម្មជាតិ (១៨%)។ មូលហេតុបន្ទាប់បន្សំមាន ការលក់មិនដាច់ (៦%) ការបាត់បង់ការងារ (៥%) ថ្លៃដើមនៃ ទំនិញមានការកើនឡើង (២%) និង កត្តាដទៃទៀត (៩% ក៏ជាបញ្ហាដែលគ្រួសារភាគច្រើនបានប្រឈមមុខ)។

គំនូសតាង១: ការវិវឌ្ឍន៍​ នៃស្ថានភាពសេដ្ឋកិច្ចនៅ តាមគ្រួសាររយៈពេល១ឆ្នាំ	គំនូសតាង២: ហេតុផល​សំខាន់ៗ ចំពោះការថយចុះប្រាក់ចំណូល សរុបនៅក្រុមគ្រួសារ